Modelo Aline Silva

Aline Silva mas conxedo pa Liiliine de 21 ano, é um jovem modelo estudante  na Universidade Jean Piaget, curso publicidade.

Aline ta fala um pouco sé carreira como modelo, pa começa é ta fla ma nunca é teve tanto ambição pa ser um modelo, ou faze parte de mundo de moda, mas ku txeu apoio é arrisca e hoje dje sta ta caminha na mundo de moda.

É tem um corpo ki na mundo de moda é considerado corpo padrão (magra) pa ser um modelo, mas antes de entra na mundo de moda Aline ka gostaba de corpo ki é tinha.

"Para ser sincera mi era um pessoa que ta detestaba nha corpo por ser magra, e cada simples brincadeira que pessoas ta fazeba mi em relação a nha corpo era motivo pam xinte em baixo, txora, e fazi cuzas pam ser gorda, até ainda só que sima antes não, confesso nta kre serba um pouco mais."



Tudo começa quando Aline participa pa primeiro vez na Miss Safende.
"Num certo dia, um amiga dmeu "Patrícia" convidam pam participa na Miss nha zona, tudo mundo insiste ku mi e nkaba pa aceita, sem tem nenhum conhecimento na área nconsegue ganha Miss Fotogenia, daí ncomeça ta gosta, e  kel vontade de sta de salto na um passarela e pessoas la ta dou mural aumenta."

Depois de participa Miss Safende na 2014, Aline atxa mais um chance de mostra um pouco del na Miss Escola Secundária Pedro Gomes, unde é sai ku faixa de primeira dama, ki de la é teve mais motivação o a busca entra nes mundo de moda.






"Depois de ter participado na Miss ESPG, na mesmo ano nfazi um formação na academia Tiver ku Djamal Santos, de la através de nha amiga Mayra nbem entra na Sofs Hobby, que hoje so ntem a agradece Sofia Fontes."









Ku agência Sofs Hobby Aline consegue participa na vários desfiles sima kes feito na Festi Txada, na Hotel Praia Mar, dje txiga de participa na kes maiores eventos de moda na praia que é White Fashion (noite branca), unde é desfila ku estilistas sima Zany, Cindy e otus.
Mas Aline ka para pa li.





"Na 2015 após n inicia Universidade na Jean Piaget, tinha concurso de Miss e nka pensa dois bes na bai fazi casting, e ntxiga de participa na Miss, unde nconsegue traze três faixas pa casa, Miss Fotogenia, Miss popular e kel ki é mais importante MISS PIAGET 2015/2016, depois disso nxinte txeu orgulho de mi, por ter percorrido tudo es caminho e por ter txigado unde ntxiga hoje, ca foi fácil."

Aline ta fla fla ma pa mesmo facto ki existe pessoas pa apoial, assim também existe pessoas pa conspira contra, ki até alguns vezes é dexa ser consumido pa negatividade. 

É foi perguntada se é ta pensa leva sé carreira de modelo mais além.
"Ngosta ser miss/modelo, nta ama de salto, na um passarela, mais nka sta inviste tanto assim porque é un kusa ki ka é garantido, pode ka da certo e caso um dia vier a da bu ta ser discartado por um certo tempo, importante gossi pa mi é nha escola, ntem txeu sonhos, mais importante ki ka é ser modelo, mas ser modelo ta fazi parte também."

Pa termina Aline ta dexa um mensagem.

"Hoje estando nes mundo miss/modelo nta carrrega cu mi 5 faixas no qual nta orgulha e fla ntxiga li, nfaze pam merecel, e nta agradece tudo kes ki acredita na mi.
Pa pessoas que gosta de moda, ser um modelo/miss primeiro cuza ki deve tem é auto-estima, mi nka tem el txeu pelo facto de ka tem el txeu que sempre ndeixa abala pa kuzas ki pessoas ta fla, ka nhos desisti afinal kenha que sabi de futuro??
So nós mesmo pode sabi futuro si nu arrisca, cu vontade e força tudo é possível."

Aline Silva

Via:Berdianas ku Berdianos