"N'é nha próprio padrão de beleza"- Patrícia Zego Rodrigues

Patrícia é um jovem modelo fotográfica cabovediana super talentosa.

Patrícia ta conta ma tudo começa de um forma inesperado.

"Bom mi foi inesperado, nstaba na carnaval sima tudo alguém e um fotógrafo odjam e flam de nha perfil ma ta daba pa kela ser modelo fotográfico, e de la ntive oportunidade de fazi fotos ku es fotógrafo.

Depois nha mãe inscrevem na agência Tó Gomes, na época ntinha 15 pa 16 ano. "

Pa começa Patrícia staba ta faze algo ki ka era tanto o ki el cria. 

"N era modelo como kualker um ta prende ainda pamodi nada nca sabia, só ki mi na fundo é ca kela kim cria, "ser manekim magra e xeio d exigências". Kel fotógrafo ke nha grande amigo odja kuzé kim cria, mas ka foi fácil discubri o kim era e nha talento."

É txiga de sai de Tó Gomes e é bai pa Sofs Hobby.

"Fazendo parte de Sofs Hobby la nprende txeu cuzas e ntivi oportunidade de explora mais nha "eu" la nodja nha corpo de otu forma ke tipo de mudjer cabo verdiana "ku ancas e senturinha".

Ngosta de explora mais lado sensual de mudjer, nha corpo, nha rosto tudo ta djudam na kela, ncaba pa discubri me kela kim cre kela ke mi."

Na Cabo Verde ainda ka tem txeu  aceitação pa tipos de modelo sima Patrícia.

"Na verdade nca tem tanta certeza sim ta continua nes carreira pamodi na Cabo Verde es ca ta muto aceita kes tipo modelo sima mi, tem txeu discriminação.

Patrícia ta pensa na futuro bem abri um agência.

"Na futuro nta pensa abri um agência pa mudjer ku tipo de nha corpo, nha forma de odja, pamodi tudo alguém sabi ma existe vários tipos de modelo não só magras mas també sima mi ki ta odja kel otu lado ki tudo mudjer tem principalmente nos caboverdianas."

E pa termina é ta dexa um mensagem pa kes minis ki gosta des área mas pa um motivo ou outro ka ta pode fazi parte de um agência.

"Nta fla kes minis pa ka disiste e nem poi na cabeça ma modelos é so kes magrinhas, ca tem nada mas sabi ki odja na spedjo e xinti bo mesmo, se kel porta for de bo el ta abri um dia.

Usa criatividade e divulga de midjor forma bu imagem, ki bu ta consigui de bo pa bo ser um modelo de bu padrão."

Patrícia Zego Rodrigues

Via:Berdianas Ku Berdianos