Ross Veiga







Ross Veiga é um jovem  caboverdiano residente na Estados Unidos ki tem stasdo ta da se contributo na mundo de música.






Ross ta conta um pouco sobre se caminhada nes mundo de música:
"Bom, sima tudu tá fla, tudu kumesa kantu staba minino, na kel primero contacto kim tivi ku música, na kantu nta obiba programa Top 7 na radio "Praia Fm" antis bai pá escola, tá cantaba musicas mi ku nha irmão imaginando ma era mi ki staba na kel posison lá (kuzas d mínino), ma foi mesmo na 2005, djuntu ku nha grande amigo de infância Peps Baus ki realmente kria kel vontade e amor pá música. Embora nu ka tinha num noson di modi ki ta serba e ninhun condison financeiramente falando di fazi música, nunka nu na para di sunha e di insaia. 
Nos maior mural era um cd di instrumentos ki nu tinha, oferecido pá nha irmon, MO Veiga ki na época dja tinha músicas gravado e tá vivia na Portugal, então mi ku Peps Baus so nu tá escreveba e insaia letras tudu dia na nha casa, até ki ku forsa di mas otus elementos sima Garotto e TX nu caba pá forma "New Guys" e foi di la ki Jó adopta nome Ross como nome di palco. 


Tudu kumesa Kantu um primo di Peps bem ku um proposta pá nu fazi música, ma sta alguém ki tá podia lebaba nos Portugal pá um konkursu, ma nu tá fazeba txeu dinhero si nu ganhaba, então di lá nu kria um grupo nos três ku kel intuito lá, só ki depois nu discubri me ka era bem asi mas, kel paixão pá música dja kriaba e staba ta kria nton ami ti oji inda nka para, ma tudu kumesa di um forma tão inocente mesmo.

 Des di pikinoti nta obiba diferentes stilos di música ma kantu ntivi poder di escolha foi Rap mesmo kin skodji pamodi n kumesa intendi se essência conforme kuzas kin tá obiba, odjaba e di acordo ku tempo kin staba tá vivi. Oji em dia inda nta canta Rap só ki conforme tempo muda, vida muda, kuzas kin prendi, nkaba pa consigue atinge novos plamatar a ponto mesmo de tem nha próprio tipo de Rap e RnB, nton npode afirma ma nten nha próprio tipo de música pá forma kin tá fazel. Des di kumesu nkria fazeba mundo um lugar midjor por isso nu kria New Guys mi ku nhas colegas, ka pamodi nos era kes novus rapazes ki entra na mundo de música ma pamodi nos era kes rapazes ki tudu dia tá renova nos cabesa, nos conceito é ser novu tudu dia, pamodi algo ke novu é puro, inocente, limpo, é tá trazi bem estar tanto psicológico como físico, algo ke novu tá pou xinti sabi tá dou alegria então nos e kela ki nu ta trasmitiba na nos músicas e ainda é kel ki é nha intenson, mesmo stando tá canta mi so goci.


Ross ku sémúsic é ta busca transmite mensagem positivo pa sé ouvintes e éta busca inxina kel k el é prende:
"Na nhas musicas sempre nta transmite kel ke positivo, ki tá inspira, ki tá motiva otus, ki tá alerta.
 Oji em dia ntem nha forma di fazi kela dividu a forma ki nha vida muda principalmente por causa di imigrason, ntom e kel kim prendi kim tá passa pá tudu nhas ouvintes di forma mas real possível ki hora kes obi, es tá odjal na ses cabesa e es tá xintil mesmo, tudu ku intuito na fazes konxi verdade e djudas lida ku kel kes tá passa. 
Forma kim tá poi nha vida na música e kuzas kim tá passa sendo mal ou bem, pamodi tudu dos lado tá existe, é ka pam txoma atenson di ninguém, mas sim pam mostras ma nos tudu sa na mesmo barco, nos tudu tem maus e bons momentos, nos tudu tá passa pá tentason, ami so nsa ser kel ki ka tem medo konta tudu e nkre, pa forma kim konsigue ultrapassa nhas maus momentos, motivas a corda ku um perspectiva mas positivo manha e dipos de manhan e assim por diante, sima nfla kel ki nprendi kin kre inxina."

Sistema de shows na Merca é deferente de kel ki é staba acostumado na Cabo Verde e na 2016 é staba na Cabo Verde na um show ki é ta conta ma marcal e foi txeu emocionante pa el:

"Antigamente antes bem pá merca, shows ka tá faltaba, dja nu badja e canta na vários lugares ki só ntem lembranças goci pá pom sorri di vez enquando, depois kim bem Merca nka da munti shows pamodi li infelizmente kuzas li e diferente, mas show ki mesmo marcam foi quando nbai Cabo Verde na 2016, foi primeiro show kim da logo na dia kim txiga, forma kim interagi ku público, forma kes vibra ku mi durante e depois de show foi mesmo emocionante e nunca nka ta skece." 

Ross dja fase trabadjos ku txeu aderencia pa público e ainda é sta prepara novos tarbadjos:
"2016 foi um ano mesmo incrível, ntive xance de volta pa nha terra, odja família, amigos, nha zona Son Filipe(264 é nos), e també foi realizason de um sonho pamodi nbai ku nha primero CD a solo "Txomal Mo Ku Kre", escrito, gravado, misturado pá mi, masterizado pa ACPro ki tá vivi na Merca, produzido pa Fidju Tchada Records e apresentado pa News Guys, Smoke Music e Fidju Tchada Records. 
Foi um trabadju fetu ku txeu suor, txeu dedicason, kim tá konvida nhos a obi hora ki nhos atxa xance, tá fala de tudu nha percurso de dia kim bem pá Merca até cada dia, nton é algo ki tá fortalecem sempre kim obil. 

Na momento, nsa trabadja na um projecto li antis era um EP simples, ma sima nflou energia positivo e negativo ta sta sempre a bu volta então altos e baxus sempre tá tem, ma o kim pode flou e ki jaja nhos tá kumesa tá odja kuzas novos tá bem e intendi perkursu de kuzas mo ki bai e sa bai. 
Então nhos aguarda pamodi Deus sa ku mi "Kada Vez +" e Kada Vez + nta teni algo pam da nhos."

Como tudo artistas Ross ta odja deferenca entre kel ki el era na inicio de se carreira e kel ki el é gossi:
"Diferença é ki goci nsa mas grande na tudu aspecto, tempo muda nton ntive ki aceita e prendi ku kel mudansa mesmo ki kel essência e princípio manti kel me, nton Ross de oji sabi mutu mas do ki kel Ross de onti, e asi ki sequência tá continua."


Ross pa termina ta dexa um mensagem pa kenha ki ta sigui se músicas: 

"Bo ki ta sigue nhas musicas, ki sa spera algo de mi, muito obrigado pá konfiansa e privilégio, acredita ma nta xinti um prazer enorme na ofereceu tudu kel kin tem ki e nha amor, nhas experiências, nhas konkistas nhas vivências, enfim nhas musicas, nta pide desculpa antecipado pá demora, ma nhos pode kre ki tá vale pena."



Nhos pode encontra trabadjos de Ross li:


Ross Veiga
Via:Berdianas ku Berdianos



Comentários

Mensagens populares deste blogue

"Ka nu skeci ma nos tudu é Africano e ma tem laços fortes ki ta uninu desde a muito tempo."-Jocy

Jovem humorista-Evans Lopes Tuffour

Elisabeth Gomes