Fotógrafo e Rapper-Yax Reis Afro-berdiano


Yax Reis Afro-berdiano é um jovem caboverdiano rapper e fotógrafo.



Yax ta kumessa ta fala de sé carreira como artista.

"Kumessa na rap na 2010, txeu influênciado pa Boss AC, Gabriel o pensador, e mas tarde Valete. Ta obiba txeu rap tuga, kumessa ta skrevi e ba ta ganha jeito ku rimas. 

Na 2014 nlança na 1º mixtape, kim dal nome de "Passo a Passo", nconta ku participasson de alguns nomes konxedo de rap kriolo, T-Brey, G-Angel, Dessy e outros. 

Nta acredita ma música ki abrim alguns portas de rap foi "realidadi di um preto", apartir de la ki txeu pessoas passa ta konxem como
rapper.
Nes momento nsa ta trabadja nha segundo mixtape, kim dal nome de "hemorragia interna", ideia inicial foi lança um single pa semana, durante 13 semana, infelizmente nkonsigui lança apenas 8, devido a alguns problemas, mas djam volta a trabadja músicas, dentro de poucos dias nta volta a lançamento de singles de nha mixtape "Hemoragia Interna", ku lançamento de video clip "Kombersso". Nta acredita ma rap é um forte arma de intervenssom social, hora kim sta fla isso, nka sta refire simplismnete a ponta dedo pa governo e sta ta fla ma políticos é ladrom e tal.
 Rap é um arma muto mas forte ki kela, é leba palavra de esperança e força, é leba mensagens e lisson de vida, é usa palavras bunito e leba pessoas a reflete, é poesia, é arte.


Pa kel kim ta odja, rappers de praia, principalmente kes mais novo, és tem tipo um formato padrom, ki é manda mau palavras ou critica pa governo, e música de amor ou seja ta limita txeu ses kabessa, mesmo ku capacidade de fazi muto mais, enfim sempre mesmo temas. Mi nta tenta fazi um rap inspirador, motivador, que palavras kim ta tra de nha boca ta levau a reflete sobre bus atos e kuzas ki bu tem stado ta fazi, txeu metáforas, que ta levau a acredita me di bo kim sa fala na tal música, sima kim konxi bu stória."

É fala també de sé carreira como fotógrafo.
" Sempre ntivi gosto pa fotografia e video, nkumpra um camera pam ta produzi nha própios videos, isso foi na Dezembro de 2015, mas objectivo ki era produzi nhas videos kaba pa muda, nba ta ganha jeito ku fotografia, ba ta fazi alguns trabadjos e hoji mi é fotógrafo. Djam fazi munti fotos, e djam produzi alguns video.










Hoji nta considera nha kabessa mas como fotógrafo de ki como rapper.  Pami video e fotografia, consigui fazi kel ki homems sempre teve vontadi de fazi, que é revivi momentos, bu ta regista um momento
de bu vida, e bu ta revivel kuando e hora ki bu kre. Ano passado nlança um projeto ki é "NO MAKE UP" ki ntinha de fazeba 25 fotos, de 5 mudjer diferente, na diferentes lugares e sem maquiagem, ku objectivo de mostra beleza natural de povo cabo-verdiano.



Nlança també um projeto ki é "1minu2 di silencio-Rap Versus Violência" ki brevimente ta bem tem 2º temporada, tevi participasom de 11 rappers, kada rapper ta fazi um música ki ta condena violência, um música de um minuto, mi nta fazel um video
de kel música, nta publica na nha canal de youtube e facebook.
Es ano nsa bem lança um kampanha de foto ki é "+amor", ideia é fotografa 500 pessoas diferente, ta fazi um kurasson ku dedo, e ku um sorriso bem grandi na rosto, pa leba energia e amor de cada um de kes fotos.










Na abril de 2017 Afro-berdiano Image, ki é kel marca kim kria, é passa ta ser um empresa. Trabadjos ki mas nta fazi é relacionado a eventos, fotos e video (After-movie e video-promo). Nteni um site em construção, ki na dia 29 d julho ta bem ser apresentado, e na kel evento ta bem tem show de txeu artistas e desfiles de moda."


















Canal de Youtube:
Via:Berdianas ku Berdianos


Comentários

Enviar um comentário

Mensagens populares deste blogue

Jovem humorista-Evans Lopes Tuffour

Imagem
Evans é um jovem de 23 ano, na nascido na ilha de Santiago fruto de pai Ganensse  e mai de badia, ku dois anos de idade sé família muda pa ilha de Sal até hoje ainda é ta vive na ilha do Sal, Santiago fica só pá ferias. É um jovem ki tem stado na anima pessoas ku sé komédias, e é tem stado ta trabadja como animador na Hotel. Há 3 anos atrás Evans kumessa ta anima pessoas ku sé komédias. 3 personagens ki foi criado pa Evans. "Nkumessa 3 Anos atrás, motivo pelo qual nkumessa ta faze komédia é simples, nkris faze de mi um pessoa midjor e faze com que pessoas gosta de mi pa kel kim ta faze. Nta recebe txeu comentários positivos é raro nrecebe comentários negativos, mas kuando tiver nta tomas como críticas construtivo, como forma de midjora nhas trabadjos." Ku sé komédia, Evans fla mé ta busca mostra caboverdianos realidade. "Nta Buska mostra caboverdianos verdades, se kre for triste, mas ku humor pamodi nem tudo na vida tem de ser
Ler mais

"Ka nu skeci ma nos tudu é Africano e ma tem laços fortes ki ta uninu desde a muito tempo."-Jocy

Imagem
Jocy é um jovem de 22 anos, ki sta ta frequenta sé último ano de curso de Línguas, Literaturas e Culturas-Estudos Ingleses na Universidade de Cabo Verde. "Keli é curso de nhas sonhos e falta pouku pa concretiza, mas ku benson de Deus keli ta ser apenas o cumessu, a mi ngosta de kuzas simples, tudo ki é relacionadu a Inglês ou a outras linguas ( musica, filme, literatura, etc), e empoderamento ki é algo ki ta txomam atenson. " Jocy foi convidada a fala um pouco cabelu natural(Afro). "Hoje em dia hora ki assunto e cabelo afro ou cabelo natural, nka ta considera um tendência pamodi tendência normalmente sta ligadu a "moda" ou seja um kuza ki goci sta em alta ki manhan pode ka sta, ami nta acredita ma goci cabo-verdianas dja assumi ses cabelo e ta odjal não como moda mas també como ses identidade, como parte di nos Africanidadi, e é bom odja ma cada vez mas pessoas sa assumi e aceita ses cabelu sima el é. Jocy nunca txiga de utiliza
Ler mais

Modelo Eder Ider Reyz

Imagem
Eder Jorge Monteiro Dos Reis popularmente conhecido pa (Eder Ider Reyz) nascido e crescido na Órgãos, ta reside atualmente na Praia (fazenda), é estudante finalista de curso Engenharia Eletrotécnica de Telecomunicações pa Universidade de Cabo Verde- UniCV. Eder ta conta um pouco sobre sé caminhada nes mundo de moda. "Desde 2013/2014 nkomeça ta desfila na um agência de moda k inasce na mesmo época na Órgãos #AfroModels a convite e incentivo de colegas ki ta flaba mi ma ntinha perfil, undi ki nprende ku Luda Vaz a da nhas primeiros passos como modelo. Ku txeu dedicason pamodi ngosta, nkomeça ta ganha prática, mais experiência e amor pa desfila. Dje txiga de participa na vários desfiles. "De la nkomeça ta participa na vários desfile de moda organizado na AfroModels e em parceria ku alguns botique, nparticipa també na concursos de mister e sempre nsai ku título (mister fotogênico, simpático, 2x 1º cavalheiro ) de tudo kés concurso ki nparticipa.
Ler mais