Comediante Carlos Andrade

Carlos Andrade é um gajo di Latada, simpático e tímido (ao contrário do ki munti podi akredita), residente na Portugal.

Carlos Andrade komesa ta kontanu kuando ké komesa ku fazi pessoas ri.

"Desde rapasinhu ki nkomesa ta poi nhas amigos e kolegas di skola ri, ô tenta. Ê bira visiu, ma pa kenha ki ka konxen ta fika sempre spantadu ó ki kontra ku mi e diskubri ma mi ê ketu. ah! ah! ah! Ninguen ka ta sta tudo hora kontenti, ê vida. Ma nten um personalidade ki gosta de brinka, kela ê verdadi."

Na sé videos é ta tenta retrata um pouco nos povo Caboverdiano.

"Na nhas videos ê kel ki ben na kabesa, kel ki nta fla ma ta pon ri nta fazel. Nunka nka sabi si ta gostadu o nau, nta sprumenta ideias nta ba ta bai. Nha foku ê kontribui ku temas sobre Cabo Verde. Nu tem el ka poku, desdi kusas bom e kusas mau."

É ta fla ma sé objectivo na mundo de komédia é trazi mais e midjor.

"Objetivu ê trazi mas e Midjor, sikre komédia ê um área ki nka podi ripiti o mesmu piada sima kantor podi ripiti um musika undi ke bai... pa sempre. Nos ki ta fazi - ó tenta - fazi arguen ri nu ten ki djobi sempri forma di fazi midjor di kel ki dja nu fazi. Ripiti o mesmu piada ka ta fila. ahahah e kela ka fasil."

Na inisiu é nota pouco de julgamento pa parte de pessoas, ta perguntaba pamodi ké ta fazeba kes cuzas k é ta fazeba.

"Nka obi nunhum kritika negativu, pulumenus pessoalmente, ma nxinti mas na inisiu um poku di julgamentu "pamo ku sa fazi kes kusas li..." Ma kela ta faze parte e kritika pa mi, sima Eder Xavier Fla, ê "kombustivel pa turbina"."

Pa finaliza Carlos Andrade ta fla me ka ta pára de fazi videos, e mé tene novos projectos na kaminho.

"Di li pa frenti nta kontinua ta fasi video, ma tambe novos projetos sta na kaminhu e nsta ansiosu pa partilhal ku tudu nhas "primos" e"primas" ki ta sigui nha pagina, pa tudo ken ki ta dan mural. Kel atenson ki nta resebi nka ta tomal pa garantidu, por isso nta agradesi sempre tudo kem ki tra si tempo pa dan forsa ó odja nhas videos."

Carlos Andrade 

Via:Berdianas ku Berdianos