"Paixão pa futebol"

 Luciene Sanches da Veiga mais conxedo pa "Lutxa" é um jovem cabo-verdiana estudante de 18 anos amante de futebol.

Lutxa ta comessa ta fla:

"Kualquer alguém ki conxem dretu sem dúvida se perguntado kuzé ki mais ngosta logu eh ta respondi "FUTEBOL".  "É nha paixão, sima ki djan ka sabi vivi sem el".

É cumessa juga bola desdi pikinoti ku rapazinhos na bairro(Lém Katxor-Praia) e di la é entra na scola di futebol EPIF, Lutxa ta fala um bocado de sé primeiro scola di futebol.

"Primeru scola di futebol kin frequenta foi EPIF(mas conxedu pa scola Djedji), um grandi homi ki munti di nos ki dja passa pala ou ki ainda sta la tem so a agradeci a el e  monitores ki inxinanu tudo ki nu sabi hoje.

EPIF nes momento sta passa pa um momento difícil talvez pamodi falta di patrocínios pa midjora qualidade de trenu di minis, mas  ntem fé ma Deus ta reergui kel scola la. É ka pd bai baxu, eh tristi odja scola undi bu forma nes situason li e bu ka podi fazi nada, bu sta di "mãos atadas" , mas Deus é grandi keli eh so um fase mariadu ki es sa ta passa.

"Bonança ta txiga já ku fé na Deus".

  

Ku 15 é bai pa equipa Seven Stars ki é ta considera sé familia.

 "Na equipa Seven Stars nprendi mas kuzas sima union, cumplicidade, camaradagem, da valor a amizades e sobre tudo ama bu time di corpo e alma e kela ke Seven Stars tetra campiom di campeonato nacional cabo-verdiano feminino."

"Nes momento nsa juga na um equipa di Macau undi nsa studa na momento ki txoma "Show di bola"."

Lutxa sendo um futebolista feminina é ta fala també sobre nos mudjeres na mundo de futebol.

"Por acaso futebol feminino não só na Cabo Verde mas sim na mundo interu tem stadu ta evolui e tantu, é um orgulho odja mudjeres ta avança na um desporto considerado "di homi" num rapidez di keli."

E é ta dexa um consedju pa mudjeres:

"Pa kes mudjeres ki tem medo de arisca entra na mundo de futebol, ntem so di flas mes devi elimina palavra desisti si ses dicionário e mesmo ki kuzas ka corre tudo dreto( pm tudo kza na mundo eh ka facil)! Ntom negócio é trabadja duro pa mostra sempre ma nu podi sim alcança nos sonhos(pamodi sempre ta tem kes ki ta bem flou "Nao bu ka ta consigui" e é por isso ku tem ki manti foco e fé na Deus)."

Sima kualker di nos tem um sonho, Lutxa també tem um sonho na mundo de futebol, sé primeiro sonho é de um dia bai juga na seleson de Cabo Verde/Holanda(pamodi é tem 2 nacionalidadi) e segundo sonho é juga na equipa PSG( Paris Saint Germain).

E pa termina Lutxa ta relembra ma de li  2 mes sta bem criadu seleson feminino de Cabo Verde e ma tudo amantes di futebol ki kre representa pais debi trabadja duro pa txiga la.

Lutxa Sanches

Via:Berdianas ku Berdianos