"Nha cabelo ta retribuim amor kim ta dal!"

Emeline Cibel Gomes Silva um jovem Caboverdiana de 18 ano, fala um bocado de novo tendência que é assumi nos cabelo natural(sem qualquer produto químico) baseando na se própria experiência.

"Npode fla ma mi é um de kes txeu otus jovens que sta por dentro ou sta faze parte des novo tendência. Antigamente usa cabelo natural era motivo de "txocota", alguém tá goza ku bo, tá txomou "cabelo bedju", por isso nta usaba químico constantemente na nha cabelo pá disfarça parte crespo, mas mesmo usando químico *relaxante ou desfrisante* nha cabelo tá ficaba ku txeu volume. 

Dja tem 4 ano kim decide na assume és naturalidade d nha cabelo, n sta ta adora resultado e npodi fla ma é midjor decisão que djan toma na nha vida até hoje.

Nta xinte satisfeita de tene nha cabelo natural sima nu ta fla na crioulo "cabelo bedju". Pa tene cabelo bunito é ka facil ta exige txeu hidratação, txeu amor, e uso adequados de produtos pa bu tipo de cabelo. Ntem alguns cuidados kim ta tem ku nha cabelo que é evita tene cabelo sempre humido e hora kim tá usa produtos(ex:creme de pentia) nta evita aplical na coro cabeludo pamodi cabelo tem tendência de fica txeu ressecado e é ta dificulta crescimento de cabelo.

Na mês de Agosto n faze um grande asneira ku nha cabelo que foi descoloração(processo de faze cabelo perde se cor original).

Fica lindo na primeiros dias, mas dispos apesar de é pom cabelo seco é comeca provoca queda de cabelo també e logo na Setembro n tive de cortal baxu, pe cria de novo mas sirve de um aprendizagem.

Às vezes nta faze penteados també e nta atxa super interessante, nta adora, e nta faze sempre.

Djan tive ta usa tintas cor azul, vermelho, rosa, loira... 
  

E nes época de txeu calor n decide na corta nha cabelo, além de fica dento de moda é bom mesmo muda de visual.
Nsta adora nha novo visual e nsta pretende dexal assim mesmo.

                     

Odja minis tá assume kel naturalidade de ses cabelo é um kuza super nice.

Quanto mais alguém ta usa cabelo natural, mais motivaçao nu tá traze pá kes ki ainda ka assumi ses cabelo natural, sendo kes pode fazel recorrendo a fase de transição ou faze kel grande corte ques ta da nomi de "big shop".

Em fim obrigada pa oportunidade e nta fica contente de sabi ma pessoas sta reconhece ses raiz pois midjor de tudo é kel ké dinòs! "

Emeline Cibel Gomes Silva

Via: BERDIANAS KU BERDIANOS