"Nha contributo pa Rap Kriolo"-FG Teixeira

FG Teixeira é um jovem rapper caboverdiano de 18 ano ki tene txeu pa da pa Rap Kriolo.

FG Teixeira kria ta obi rap na kuartu di sé tio la foi unde kumessa tem kel paixon pa rap.

FG sempre ta obiba sé tio ta gravaba é ta imaginaba el um dia na mundo de Rap, e hoje nu pode odja ma é um jovem ki dja sta ta da sé contributo pa rap kriolo.

É ta faze parte de mundo de rap há 5 ano, só ki é ta conta ma na inicio é ka leva kuzas muto aserio, ku tempo é kumessa ta odja rap de otu manera, é kumessa odja ma rap pode muda txeu kuzas na diferentes sentidos.

Como um qualquer otu rappers, FG també passa pa dificuldades, pamodi nem sempre é ta conseguiba trabadja sem dipende de otus, tem ki fika ta corre trás de pessoas pa consegue grava músicas, pa faze videos, txeu portas ta fitxado na rosto, txeu cuzas ki se é ka fosse forte até podia fazel desiste. Mas nenhum des dificuldades ka dexal desiste até porque sempre é tive por perto kes ki ta apoial, e gossi dje tene sé produtor ki també sta anda djunto kol nes caminhada.

Bom na momento é sta prepara sé primeiro "Mix Tape" ki nome ta bem ser "RETRATU", em principio sta pa bem sai na fim de Junho.

Nes "Mix Tape" sta bem tem diferentes stilo de música sima: "Trap, R&b, Afro Trap, Rap."

 "Retratu"e ta retrata kuzas ki ta passa na nos dia-a-dia.

Pa termina FG ta dexa um mensagem pa kes ki sta entra gossi  nes mundo de Rap.

"Kuza kim tem de fla e pa kes ki sa na inicio pes ka desiste pamodi tem alguns rappers ki dja dura nes mundo de rap ki sempre ta dam kel mural, por isso també nta transmite kel mural li pa kes ki sa na kumessu."

Fika li ku alguns trabadjos de FG Teixeira:
 Inda Nka Para, Sufrimentu Akumuladu, Lisson D Vida, entre otus...Bu pode encontral na Youtube- https://www.youtube.com/watch?v=VfRVaprvkkI

FG Teixeira

Via:Berdianas ku Berdianos